Styrktarherferðin „Taktu þátt í að gefa gjöf“
Nú hefur pappírsframleiðandinn Papco farið af stað
með sérstaka styrktarherferð undir nafninu „Taktu þátt í að gefa gjöf“. Ein rúlla af hverri seldri pakkningu af
hreinlætispappír í jólaumbúðum mun renna til líknarfélaga sem eru með úthlutanir í desember,
þar með talið til Fjölskylduhjálparinnar sem tekur nú við auknum fjölda aðstoðarbeiðna. Söfnunin stendur út desember. Auk styrktarherferðarinnar hefur Papco aukið enn stuðninginn við Fjölskylduhjálpina með auknu vöruframlagi til samtakanna.
„Í gegnum árin hefur Papco veitt Fjölskylduhjálpinni ómetanlegan stuðning en þeir hafa syrkt samtökin allt frá stofnun
fyrirtækisins“, segir Ásgerður Jóna Flosadóttir formaður Fjölskylduhjálpar Íslands.
Papco er eini íslenski framleiðandinn á hreinlætispappír en undanfarið hefur borið á því að sveitarfélög og stofnanir
færi viðskipti sín með hreinlætisvörur frá erlendum vörumerkjum yfir til Papco.
Nánari upplýsingar veita Þórður Kárason, framkvæmdastjóri Papco s: 660-6700 og Ásgerður Jóna Flosadóttir, formaður Fjölskylduhjálpar Íslands s: 551-3360.
