Söfnunin gekk vonum framar og pappírinn er nú víðast hvar uppseldur. Þúsundir rúlla af hreinlætispappír hafa í staðinn runnið til heimila með lítil efni í desember. Það voru Mæðrastyrksnefndir um landið, Rauði kross Íslands, Hjálparstofnun Kirkjunnar og Fjölskylduhjálp Íslands sem sáu um að koma hreinlætispappírnum til skila.
Þórður Kárason framkvæmdastjóri Papco:
„Við vorum búnir að ákveða að styðja þessa aðila
eins og Fjölskylduhjálpina og Mæðrastyrksnefnd sérstaklega í desember. En með því að fara þessa leið og virkja viðskiptavini
okkar til þátttöku í verkefninu þá varð gjöfin mun stærri. Sem betur fer hafa bæði einstaklingar og fyrirtæki verið dugleg
að styrkja þessar hjálparstofnanir. Það er eitt hið jákvæða við efnahagshrunið að allir eru tilbúnir að leggja hönd
á plóg og hjálpa þeim sem búa við þröngan kost.“
